我建議嘅泛民治港主要司、局長名單

6月22日係非正式公投日。網上投票已經開始，你投咗票未？
對今次公投，我做咗一個前瞻性嘅泛民當選特首主要司、局長名單：
特首：何俊仁；佢已獲得“愛港愛國” 驗證，當然要當“仁” 不讓啦。
政務司：劉慧卿；相信當今最好打嘅林鄭都唔夠佢打。
律政司：陳淑莊；比較冷門，但佢又係大狀，又係藝人。為兩個老人家做擋箭牌相信冇問題。
財政司：黃毓民；票數三比一勝長毛。有佢把關，包冇對財政預算案拉布。
運輸及房屋局：長毛；佢身家清白，唔怕對土地開發有利益衝突。
勞工及褔利局：李卓人；唔使解釋喇排！
教育局：王之峰；教育俾為後一代服務，由下一代處理非常合理，而且佢响反國教時領導泛民，足以證明佢對教育改革非常有理想，並且有能力。
環境局：方國珊；垃圾事件由佢搞大，由佢處理翻就最合適。
保安局：陳方安心；佢曾經佢係公務員大家姐，每次重大示威遊行佢又好似有出現，又好似不存在，對而家嚴重警民沖突事件一定可以安心處理。
其他局長（包括政制及內地事務局）都已冇乜政治沖突。有啲更連名都未聽過，所以不作建議。